Gandhinagar News: કોઓપરેટિવ હાઉસિંગ સોસાયટીઓ કે પછી કોઓપરેટિવ સર્વિસ સોસાયટીઓમાં ફ્લેટ વેચાય અને નવા મેમ્બર આવે તો તેમની પાસેથી મન ફાવે તે રકમ ડેવલપમેન્ટ ચાર્જને નામે લેવા પર અંકુશ મૂકવાના ઇરાદા સાથે ગુજરાત સરકારનું સહકાર ખાતું નવા નિયમો તૈયાર કરી રહ્યું છે. આ નવા નિયમો થોડા અઠવાડિયાઓમાં જાહેર થવાની સંભાવના હોવાનું સહકાર ખાતાના જાણકાર સૂત્રોનું કહેવું છે. અત્યારે ડેવલપમેન્ટ ફીને નામે રૂપિયા 1 લાખથી છેત્રને 10 લાખ કે વધુ રકમ વસૂલી લેવામાં આવે છે.
સમાચારથી અપડેટ રહેવા ગુજરાત 24ના વોટ્સએપ ગ્રુપમાં જોડાવા માટે અહીં ક્લિક કરો.
જોકે ફ્લેટ ખરીદીને જૂની સોસાયટીમાં નવા સભ્ય બનનારાઓ પાસેથી ટ્રાન્સફર ફી લેવામાં આવે છે. ફ્લેટની માલિકી બદલાતા નવા સભ્યને સોસાયટીમાં સભ્ય બનાવવા માટે ટ્રાન્સફર ફી પેટે મહત્તમ રૂપિયા 50,000 લેવાનો નિયમ કરવામાં આવેલો છે. તેમ છતાંય કોઓપરેટિવ હાઉસિંગ સોસાયટી અને કોઓપરેટિવ સર્વિસ સોસાયટીઓના નવા સભ્ય બનનાર પાસેથી ટ્રાન્સફર ફી ઉપરાંત ડેવલપમેન્ટ ફી પણ વસૂલે છે. આ રકમ રૂપિયા 10 લાખથી માંડીને તેનાથીય મોટી હોવાની સંભાવના રહેલી છે.
ગુજરાત સરકારના સહકાર ખાતાના અધિકારીઓને આ હકીકતની જાણ હોવાથી તેમણે આ ગેરરીતિઓને નાબૂદ કરવા માટે ટ્રાન્સફર ફી પેટે રૂપિયા 50,000ની મહત્તમ રકમ ઉપરાંત ડેવલમેન્ટ ફીને નામે કોઈ જ ફી ન વસૂલવાની વ્યવસ્થા ઊભી કરી છે. તેમ છતાંય નવા ફ્લેટ ખરીદનાર પાસે ટ્રાન્સફર ફી ઉપરાંડ ડેવલપમેન્ટ ફીને નામે મોટી રકમ પડાવવામાં આવી રહી છે. આ રકમ કોઈપણ હાઉસિંગ સોસાયટી ન લે તે માટે નવા નિયમો તૈયાર કરવામાં આવી રહ્યા છે.
નવા નિયમ આવી ગયા પછી ડેવલપમેન્ટ ફી પેટે મોટી રકમ લેવાનો આગ્રહ રાખના સર્વિસ સોસાયટી કે પછી કોઓપરેટિવ હાઉસિંગ સોસાયટીના હોદ્દેદારોને હોદદ્દા પરથી દૂર કરવાની કે તેમને 6 વર્ષ સુધી બોર્ડમાં બેસવા જ ન મળે તેવી જોગવઆઈ દાખલ કરે તેવી સંભાવના હોવાનું જાણવા મળી રહ્યું છે. તેમ છતાંય ડેવલપમેન્ટ ફીને નામે વધુ નાણાં લેવામાં આવશે તો જે તે સહકારી હાઉસિંગ સોસાયટી કે સર્વિસ સોસાયટીના બોર્ડના સભ્યને 6 વર્ષ માટે હોદ્દાથી દૂર કરી દેવામાં આવશે. સોસાયટીના આખા બોર્ડને પણ દૂર કરી દેવામાં આવે તેવી જોગવાઈ દાખલ કરવામાં આવી રહી છે.
