Vrushabh Rashifal 2025 Vikram Samvat 2081: દિપોત્સવ ઉજવાઈ રહ્યો છે. તારીખ 2 નવેમ્બર 2024ના રોજથી વિક્રમ સંવત 2081નો પ્રારંભ થઈ રહ્યો છે આ સાથે જ ગુજરાતીઓનું નવું વર્ષ પણ શરૂ થઈ રહ્યું છે. ત્યારે આ આખું વર્ષ મેષ રાશિના જાતકો માટે કેવું રહેશે તેના વિશે શાસ્ત્રી ડૉક્ટર ધાર્મિક પુરોહિતે જણાવ્યું છે.
સમાચારથી અપડેટ રહેવા ગુજરાત 24ના વોટ્સએપ ગ્રુપમાં જોડાવા માટે અહીં ક્લિક કરો.
મેષ રાશિના જાતકોનું વાર્ષિક રાશિફળ
જય શ્રી કૃષ્ણ, વર્ષના આરંભે ગુરુ મહારાજ વૃષભ રાશિમાં વક્રી છે. તે તમારી રાશિથી બીજા સ્થાને ભ્રમણ કરે છે જે 4-2-2025થી માર્ગી થશે અને 14-5-2025થી મિથુન રાશિમાં આવશે જે આપની રાશિથી ત્રીજા સ્થાને રહેશે. જ્યારે શનિ મહારાજ વર્ષની શરૂઆતમાં કુંભ રાશિમાં વક્રી ગતિથી ભ્રમણ કરે છે જે આપની રાશિથી અગિયારમે છે જે 15-11-2024થી માર્ગી થશે અને 29-3-2025થી મીન રાશિમાં આવશે તથા વર્ષના આરંભે રાહુ મીન રાશિમાં છે જે તમારી રાશિથી બારમા સ્થાને રહે અને 18-5-2025થી કુંભમાં આવે છે.
સામાજિક તથા કૌટુંબિક ક્ષેત્રે પ્રગતિ જણાય અને અટવાયેલા કાર્યો આગળ વધે સાથે જ લાભદાયી સ્થિતિ જોવા મળે. આપ જો પરદેશગમનના પ્રયત્નો કરતા હશો તો તેમાં સફળતા અનુભવાય. જન્મ સમયનાં ગ્રહયોગો બળવાન હશે તો વર્ષ દરમિયાન નાણાંકીય ક્ષેત્રે સારી અનુકૂળતા રહેશે. પારિવારિક બાબતોમાં સાનુકૂળતા જળવાઈ રહે અને આરોગ્ય માટે વર્ષ સામાન્ય રહે. તકનિકી લાઈનોમાં સફળતા તથા જમેષ–મકાનના પ્રશ્નો હલ થાય. ભાઈ ભાંડુ સાથે સારું રહે. પરાક્રમમાં વધારો થતો જણાય અને આર્થિક બાબતે સુધારો આવશે સાથે જ વિધાર્થીઓ એ મધુર પરિણામ માટે મહેનત વધારે કરવી પડે.
સંક્ષિપ્તમાં, વર્ષનાં શરૂઆતનાં ત્રણ માસ દરમિયાન મનોબળ કેળવીને સાચી દિશામાં મહેનત કરવાની સલાહ છે. પરંતુ, એપ્રિલથી જૂન દરમિયાન કોઈ બીમારી આપણી રોજિંદા જીવનમાં અડચણરૂપ ના થાય તે સાચવવું સાથે જ માર્ચથી ઓગસ્ટ દરમિયાન કોર્ટ કચેરીના કાર્યોમાં ખાસ કાળજી રાખવી અને એપ્રિલથી સપ્ટેમ્બર દરમિયાન નોકરી વ્યવસાયમાં સાવચેતી રાખવી. જાતકોને 19 ઓગસ્ટથી 7 ઓક્ટોબર દરમિયાન આર્થિક લાભ વિશેષ અનુભવાય. પરંતુ, 7 ઓક્ટોબરથી 4 ડિસેમ્બર અગ્નિકસોટી કે માનસિક ચિંતા જેવો સમય ગણાય.
મેષ, વૃષભ, મિથુન, કર્ક, સિંહ, કન્યા, તુલા, વૃશ્ચિક, ધન, મકર, કુંભ અને મીનનું વાર્ષિક રાશિફળ વાંચવા અહીં ક્લિક કરો.
